Путин ЛНР, Буряти тата Волгоградра виҫӗ шкул уҫнӑ

 

#владимирпутин

Раҫҫей Президенчӗ Владимир Путин Раҫҫей регионӗсенче виҫӗ шкул уҫнӑ, видеоҫыхӑнупа ҫыхӑннӑ церемоние кӗҫнерникун, августӑн 22-мӗшӗнче хутшӑннӑ.

Сӑмахран, Волгоградри Дзержинск районӗнче 1280 вырӑнлӑх шкул уҫнӑ, Бурятинчи Иволгин районӗнчи Нур-Селение улусере -250 вырӑнлӑх. Виҫҫӗмӗш шкул, 520 вырӑнлăх, Луганск Халӑх Республикинчи Антрацит хулинче вӗренекенсене йышӑнĕ.

"Эпӗ вӗренӳ заведенийӗсен ертӳҫисемпе юнашар тӑракан регионсен пуҫлӑхӗсене тухса калама сӗнмерӗм, анчах ҫак регионсенче те, Раҫҫей Федерацийӗн ытти регионӗсенчи пекех, пурне те тунӑ пулӗ тесе шанатӑп. Мӗн те пулин туса пӗтермен пулсан, юлашки темиҫе кун хушшинче сентябрӗн 1-мӗшӗччен пурне те вӗҫлеме шанăç пур", - тенӗ Раҫҫей лидерӗ.

Путин шкул директорӗсене ҫывхарса килекен Пӗлӳ кунӗпе тата ҫӗнӗ вӗренӳ заведенийӗсем уçнӑ ятпа саламланă. Вӑл вӗсене ӗҫре ҫитӗнӳсем, ҫавӑн пекех вӗсен педагогика коллективӗсемпе вӗренекенӗсене ырӑ суннӑ. Ҫав хушӑрах патшалӑх пуҫлӑхӗ виҫӗ регион ертӳҫисем вӗренӗве тивӗҫлипе тимлессе шанни пирки каланӑ.

Сăнÿкерчĕкĕ: http://static.kremlin.ru/media/events/photos