Ача садĕнче Вăрман кунне паллă тунă

Мартăн 21-мӗшӗнче Пӗтӗм тӗнчери вӑрман кунне паллӑ тӑваҫҫӗ. Пишпÿлекри "Журавушка" ача сачĕн 2-мĕш хатĕрленÿ ушкăнĕнче ачасене вӑрман ҫинчен, унта пурӑнакансем ҫинчен, вӑл усӑллӑ пулни ҫинчен, ҫутҫанталӑка перекетлӗ пӑхса ӳстерес тӗллевпе ачасемпе "Вӑрман кунӗ" заняти ирттернӗ.
Ачасемпе калаҫнӑ чухне вӑрман усси ҫинчен, вӑрманта хӑйсене мӗнле тытмалли правилӑсем ҫинчен, унта пурӑнакансем ҫинчен, вӑрманшӑн мӗнле тӑрӑшмаллине ҫирӗплетнĕ. Ачасем вӑрманта пурӑнакансем ҫинчен юмах тупсӑмĕсене тупнă, "Вӑрманта хӑвна мӗнле тытмалла" правилӑсене аса илнĕ, "Вӑрман - пирӗн пуянлӑх" презентацие пӑхнă, аппликацисем тунă.
Вӑрман кунӗ интереслӗ те ӑнлануллӑ иртнӗ. Ачасем вӑрман пӗлтерӗшӗ ҫинчен, выльӑх-чӗрлӗхсемпе ҫынсемшӗн пӗлтерӗшлӗ пулни ҫинчен, ҫутҫанталӑка сыхлас ӗҫре кашнин яваплӑхӗ ҫинчен нумай ҫӗнӗ хыпар пӗлнĕ.
Ачасем ҫутҫанталӑка сыхласса, вӑрмансене чӑн-чӑн хӳтӗлессе шанатпӑр.

Сăнÿкерчĕкĕсем: Пишпÿлекри "Журавушка" ача сачĕн социаллă сетьри страницинчен.
https://vk.com/club210640710