Сентябрӗн 27-мӗшӗ - Шкулчченхи вӗрентӳ ӗҫченӗсен кунӗ

Хисеплӗ воспитательсем, шкулчченхи вӗрентӳ учрежденийӗсен ӗҫченӗсем тата ветеранĕсем!

Сире професси уявӗпе чун-чӗререн саламлатпӑр!

Сирӗн ӗҫ - чӑн-чӑн професси. Сирӗн ҫинче уйрӑм яваплӑх ― пирӗн районти пӗчӗк ҫынсемшӗн тӑрӑшасси. Сире пысӑк талант — ачасемпе пӗр чӗлхе тупма, кашни ачан чӗрин уҫҫине суйласа илме, хӑвăрăн воспитанникӗрсенче хӑйне евӗрлӗ пултарулӑха аталантарма пултарни - панӑ. Шӑпах сирӗн профессионализмпа ӑслӑлӑхран килет пирӗн ачасен малашнехи аталанӑвӗ.

Паян, уяв умӗн, профессие чунтан парӑннӑшӑн, ачасене эсир парнелекен юратушӑн, тимлӗхпе ӑшӑшӑн чун-чӗререн тав тӑватпӑр.

Сирӗн сывлӑх ҫирӗплентӗр, пурнӑҫ ырлӑх-пурлӑхпа, пултарулӑхпа тата хавхаланупа тултӑр.

Сире кашнине тӑнӑҫлӑх, савӑнӑҫ, килӗшӳ сунатпӑр! Уяв ячӗпе!

Район администрацийӗн пуҫлӑхӗ А.М. ЗАРИПОВ.

Район канашӗн председателӗ Ю.Г. ПАВЛОВ.