Ҫу пуҫланчӗ!

Июнӗн 1-мӗшӗнче Пӗтӗм Тӗнчери ачасене хӳтӗлемелли кун Пишпÿлекри 1-мĕш вăтам шкулта кӑнтӑрлахи «Туслӑх асамат кӗперӗ» лагерь уҫӑлнă, ҫуллахи смена пуҫланнă!

Лагерь вут тивертекен зарядкӑран пуҫланнă: ачасем ташланă, кулнă, кунӗпех позитивпа авӑрланнă!

Ачасене ӑшӑ сӑмахсемпе лагерь начальникӗ Р. А. Сафонова тата лагерь начальникӗн заместителӗ шкул директорĕн воспитани енӗпе ӗҫлекен советникӗ Э. М. Сулейманова кĕтсе илнĕ. Вӗсем пурне те уяв ячӗпе саламланă, кашнинех манӑҫми туйӑмсем, шанчӑклӑ туссем тата ҫутӑ, хӑрушлӑхсӑр ҫу кунӗсем суннă.

Отрядсем фантазие хӗрсех кӗртнĕ: ҫутӑ ятсемпе девизсем шухӑшласа кӑларнă, пултарулӑх номерӗсем-визиткӑсем хатӗрленĕ.

Сменӑн пӗрремӗш кунӗ иртсе кайнă, анчах умра тата нумай кӗтменлӗх, илӗртӳллӗ вӑйӑсем тата ҫӗнӗ уçусем кӗтеҫҫӗ. Ҫуллана ырӑ сунса кӗтетпӗр, тусӑмсем!

Ҫуллахи каникул вӑл — савӑнӑҫ вӑхӑчӗ, анчах кану кӑмӑллӑ асаилӳсем ҫеҫ хӑвартӑр тесен хӑрушсӑрлӑх правилисем пирки асра тытни пӗлтерӗшлӗ. Пишпÿлекри 1-мĕш вăтам шкулăн ҫумӗнчи «Туслӑх асамат кӗперӗ» лагерӗн воспитанникӗсем Пӗтӗм Раҫҫейри «Хӑрушлӑхсӑр каникул» акцие хутшӑннă.

Мероприятисен тӗллевӗ — ачасен шкулта, килте, урамра тата интернетра хӑрушлӑхсӑр хӑнӑхӑвӗсене йӗркелесси.

Профилактика калаҫӑвӗсемпе мероприятийӗсен тӗп темисем:

ҫул-йӗр ҫинчи хӑрушсӑрлӑх, ҫав шутра тимӗр çул çинче те; пушартан сыхланмалли хӑрушсӑрлӑх; шыври хӑрушсӑрлӑх;

электричествӑпа, йӑлари газпа усӑ курнӑ чухне хӑрушсӑрлӑх; сывлӑш карапӗпе вӗҫнӗ чухне, чрезвычайлӑ лару-тӑрура, обществӑлла вырӑнсенче, вӑрманта, шыв хӗрринче, ҫутҫанталӑкра, чӗрчунсемпе хӑвна мӗнле тытмалли правилӑсем; Интернет тетелӗнчи хӑрушсӑрлӑх; терроризма хирӗҫ хӑрушсӑрлӑх;

йӑлари сурансене профилактикӑласси.

#Росдетцентр #НавигаторыДетства
#ПалитраДетства #ДвижениеПервых #НавигаторыДетстваРБ

Сăнÿкерчĕкĕсем: Пишпÿлекри 1-мĕш вăтам шкулăн социаллă сетьри страницинчен.

https://vk.com/public210652587