Радий Хабиров Дюртюлинчи нумай профильлӗ ҫӗнетнӗ колледжа ҫитсе курнӑ

Июлӗн 4-мӗшӗнче Дюртюли районне ӗҫлӗ ҫул ҫӳрев вӑхӑтӗнче Пушкӑртстан Пуҫлӑхӗ Радий Хабиров Староуртаево ялӗнчи Дюртюли нумай профильлӗ колледжа ҫитсе курнӑ.

Регион ертӳҫи тӗп юсава вӗҫленӗ вӗренӳ корпусне пӑхса тухнӑ, хальхи вӗренӳ инфратытӑмӗпе паллашнӑ.

Колледж директорӗ Ришат Гареев учрежденин пурлӑхпа техника базине аталантарасси пирки каласа кӑтартнă. Республика пуҫлӑхӗ автоматизаци зонине, навигаци системисене юсакан, производство кӑтартӑвӗсене тӗрӗслесе шутлакан вӗренӳ площадкисене, хими анализӗн лабораторине, электромонтаж мастерскойне тата столовӑя ҫитсе курнӑ. Ҫавӑн пекех Радий Хабирова агродрон вӗҫнине кӑтартнă.

Радий Хабиров вӑтам профвӗренӳ учрежденийӗсенче хальхи условисем туса пани регион экономики валли квалификациллӗ специалистсем хатӗрлеме пулӑшнине палӑртнă.

— Пирӗн «Профессионалитет» программӑна лекнӗ колледжсем чи нумай — унта республикӑри 92 вӗренӳ заведенийӗнчен 35-шӗ хутшӑннӑ.

Сӑнӳкерчӗкĕ: ПР Пуҫлӑхӗн официаллӑ страници.

https://mgazeta.com/news/novosti/2026-07-04/radiy-habirov-posetil-obnovlyonnyy-dyurtyulinskiy-mnogoprofilnyy-kolledzh-4741000