Çӗнтерӳ пур

2026 ҫулхи Пушкӑртстан Республикин чи лайӑх вӗрентекенӗсене премисем пама конкурс суйлавӗ вӗҫленнӗ. Аса илтеретпӗр, заявкӑсене ака уйӑхӗн 27-мӗшӗнчен пуҫласа ҫу уйӑхӗн 12-мӗшӗччен йышӑннӑ, преми виҫи вара 200 000 тенкӗпе танлашнӑ.
Эпир вара питӗ лайӑх хыпарпа паллаштарма васкатпӑр: ҫӗнтерӳҫӗсен хушшинче – Хушăлкари вăтам шкулăн педагогӗ Васильева Надежда Евдокимовна.
Надежда Евдокимовна – биологипе хими вӗрентекенӗ, унӑн стажӗ калама ҫук пысӑк, вăл чунне ачасене парать. Шӑпах вӑл сисӗмлӗ ертсе пынипе шкулта агронаправлени аталанать, унӑн воспитанникӗсем республикӑра кӑна мар, ҫӗршывӗпех олимпиадӑсемпе конкурссене тӑтӑшах парӑнтараҫҫӗ.
Ҫут ҫанталӑкпа наука ярӑмӗнчи вӗрентекенӗн ӗҫне чи ҫӳллӗ шайра хакланине ӑнланса илме мӗн тери кӑмӑллӑ. Эпир сирӗн профессионализмшӑн, чӑтӑмлӑхӑршӑн тата ачасене ӗненнӗшӗн тав тӑватпӑр.
Надежда Евдокимовна, пирӗн чи ӑшӑ саламсене йышӑнӑр! Ҫак ҫӗнтерӳ ҫӗнӗ ҫитӗнӳсен пуҫламӑшӗ кӑна пултӑр. Эсир – пирӗн мӑнаҫлӑх!

Сăнÿкерчĕкĕ: Хушăлкари вăтам шкулăн социаллă сетьри страницинчен.
https://vk.ru/public202011028