Медаль вӑл — чаплӑ пуласлӑхăн ҫирӗп никӗсĕ

Пишпÿлекри 1-мӗш вӑтам шкултан вӗренсе тухнӑ Марина Тарасован пурнӑҫ девизӗ: «Эпӗ пултаратӑп! Эпӗ тӑватăп!»

I степеньлӗ «Вӗренӳри уйрӑм ҫитӗнӳсемшӗн» ылтӑн медале 11-мӗш класс пӗтерекенсем ҫирӗп тытаҫҫӗ, вӗсем шкулти тата пысӑк экзамен требованийӗсене пӗр вӑхӑтрах пурнӑҫласа вӗренсе пӗтернӗ. Кӑҫал ҫак тӗрӗслевсем витӗр ӑнӑҫлӑ тухса Пишпÿлекри 1-мӗш вӑтам шкултан вӗренсе тухнӑ Марина Александровна Тарасова пысӑк кӑтартусем тунă.

Ҫемьере вӑл кӗҫӗнни, пиччӗшӗпе аппăшĕ Маринашӑн яланах тӗрев пулса тӑраҫҫӗ. Амӑшӗ Наталия Владимировна «Эксперт» лавккара бухгалтер пулса ӗҫлет, хӗрӗ ӳсме, аталанма пӗтӗм вӑйне хурать. Шел те, Маринан ашшӗ, Александр Геннадиевич, ятарлă çар операцинче пуçне хунă. Вӑл хӗрӗшӗн чӑн-чӑн паттӑрлӑх, ҫирӗплӗх тата харсӑрлӑх пулнӑ, юлнӑ та. Маринашăн ылтăн медаль хӑйӗн «Эпӗ» тенине пӗлтерет. Урӑхла каласан, палӑртнӑ тӗллевсен ӗҫӗсем, тӑрӑшулӑхӗ, тупасси урлӑ хӑйӗн уйрӑмлӑхне кӑтартни. Унӑн пурнӑҫри девизӗ: «Эпӗ пултаратӑп! Эпӗ тăватăп!» Хӗрачан юратнӑ предмечӗ яланах математика пулнӑ. Математика пултарулӑхне палӑртса пуҫламӑш классен вӗрентекенӗ Тамара Серафимовна Федотова шкулти пӗрремӗш кунсенчен пуҫласа кӑсӑклану аталантарнӑ. Ӑна тӗпчев ӗҫӗсен конкурсӗсене, олимпиадӑсене хатӗрленӗ, предмета юратма хӑнӑхтарнӑ. Марина ун ҫине чун пӗр пайне хывнӑ, лайăх пӗлӳпе воспитани панӑ вӗрентекенсене пурне те тав тӑвать.

— Пӗрремӗш шкул чи лайӑххи! Эпӗ унта вӗреннӗшӗн савӑнатӑп — ҫак вӗренӳ заведенийӗнче лайӑх туссем, ырӑ кӑмӑллӑ тата пысӑк профессиллӗ учительсем тупрӑм. Ҫӗнӗ плансем тума пулӑшакан хӑватлӑ никӗсшӗн шкула тавтапуҫ, — тав тӑвать выпускница.

Марина шкулӑн общество пурнӑҫне хастар хутшӑннӑ. Вӑл вырӑс чӗлхипе шкул ачисен пӗтӗм Раҫҫейри олимпиадин муниципаллӑ тапхӑрӗн ҫӗнтерӳҫи, Аслӑ вӑрҫӑ историйӗпе «Эпӗ астӑватӑп. Эпӗ мăнаçланатӑп» 2 — 11-мӗш классенче вӗренекенсем валли олимпиадӑн муниципаллӑ тапхӑрӗн призерӗ (2025 — 2026 вӗренӳ ҫулӗсенче). Вӗренсе тухнӑскере Пӗтӗм Раҫҫейри ГТО физкультурӑпа спорт комплексӗн ылтӑн паллипе чысланӑ.

Марина пушӑ вӑхӑтне пӗтӗмпе тенӗ пекех вӗренӗве халалланӑ. Экзаменсене ҫӳренӗ вӑхӑтра «Деколь» чечек лавккинче флорист пулса ӗҫленӗ. Ӗҫчен те яваплӑ хӗрача ĕçе ЕГЭ хатӗрленессипе питӗ лайӑх пӗрлештернӗ. Халӗ Марина Уфари патшалӑх нефть техника университетне строительство факультетне вӗренме кӗнӗ. Ҫак профессипе кӑсӑкланни, юратни ӑна ашшӗнчен куҫнӑ. Ҫемьере те строительство профильлӗ специалистсем пур. Ылтӑн медалистка хӑйӗн тăрăшулăхĕ урлӑ хӑйӗн ӗмӗтне пурнӑҫланӑ. Ҫак медаль пысӑк ӗҫ, чӑтӑмлӑх тата пӗлӳ патне ӑнтӑлнин кӑтартӑвӗ. Суйласа илнӗ аслӑ шкул ун умӗнче алӑкне уçса ятăр, вӗренӳ савӑнӑҫ тата ҫӗнӗ уҫусем илсе килтӗр!

Зульфида МУЛЛАГАЛЕЕВА.

Сӑнӳкерчӗкĕ: Марина Тарасован ҫемье архивӗнчен