Уфари топливӑпа энергетика колледжӗнче «Профессионалитет» кластер уҫӑлнӑ

Уфари топливӑпа энергетика колледжӗнче (УТЭК) «Профессионалитет» федераци проекчӗпе килӗшӳллӗн вӗренӳпе производство кластерӗ ӗҫлеме пуҫланӑ. Авӑн уйӑхӗн 1-мӗшӗнче объекта Пушкӑртстан Пуҫлӑхӗ Радий Хабиров ҫитсе курнӑ. Агидельпе Баймакри филиалсемлӗ колледжра энергетика, машиностроени, хими, строительство, геологи тата ту ӗҫӗ сферисенче 19 специальноҫпа 4,8 пин студент вӗренет. Вӗренсе тухакансене ĕҫе вырнаҫтармалли наци рейтингӗнче УТЭК саккӑрмӗш вырӑн йышӑнать.
Республика пуҫлӑхӗ ҫӗнелнӗ кабинетсемпе лабораторисене пӑхса тухнă, вӗрентекенсемпе, ӑстасемпе тӗл пулнă. Регион пуҫлӑхӗ воспитани ӗҫӗн пӗлтерӗшне палӑртнă: 9 класс пӗтерекенсен 62 проценчӗ колледжсене суйлать.
Преподавательсене пулӑшмалли мерӑсене, ҫав шутра грантсене тата санаторипе курорт сиплевне те, сӳтсе явнӑ. Коллектив Хабирова СПО тытӑмне тимленӗшӗн тав тунă. Вăл УТЭК чи кирлӗ вӗренӳ заведенийӗсенчен пӗри тенӗ – конкурс кӑҫал пӗр вырӑна 18 ҫынпа танлашнӑ. Пӗлтӗр экономикӑна квалификациллӗ кадрсемпе тивӗҫтерес тесе бюджет вырӑнӗсен шутне 2 пине ӳстернӗ. Радий Хабиров профильлӗ ведомствӑпа сӗнӳсем ӗҫлесе колледж преподавателӗсем ҫине те пулӑшу мерисене анлӑлатма шантарнă.
Сӑнӳкерчӗкĕ: glavarb.ru

https://mgazeta.com/news/novosti/2026-09-01/v-ufimskom-toplivno-energeticheskom-kolledzhe-otkrylsya-klaster-professionalitet-4799022