Пишпÿлекре Учительсен кунне халалланă мероприяти иртнĕ

Октябрӗн 2-мӗшӗнче Учительсен кунӗ умӗн районти Культура керменӗнче савӑнӑҫлӑ мероприяти пулнă. Зала пӗтӗм районти учительсем, шкул ҫулне ҫитменнисен учрежденийӗсен воспитателӗсем тата педагогика ӗҫӗн ветеранӗсем пухӑннă. Ҫак уяв хӑйӗн пурнӑҫне ҫутӗҫӗн пысӑк миссине халалланисене пурне те пӗрлештерет. Пӗлӗве ҫеҫ пӗлтерменнисене, ҫынсене йӗркелекенсене, кӑмӑл-сипет ориентирӗсене хывакансене, ачасене пысӑк тӗнчене ҫул уҫса паракансене пурне те. Тивӗҫлӗ канури вӗрентекенсене уйрӑмах ӑшшӑн чысланă. Вӗсен нумай ҫулхи опычӗ, ӑслӑлӑхӗ тата профессие парӑнни — хаксӑр пуянлӑх.
Пишпӳлек район администраци пуҫлӑхӗ А. А. Семенов пухӑннисене саламланă:
— Хисеплӗ педагогсем, вӗрентӳ учрежденийӗсен ӗҫченӗсем тата Пишпӳлек районӗнчи педагогика ӗҫӗн ветеранӗсем!
Меллĕ самантпа усӑ курса шкул ҫулне ҫитменнисен вӗрентӗвӗнче ӗҫлекенсене каллех тарӑн тав сӑмахӗ калас килет. Нумаях пулмасть эсир хӑвӑрӑн професси уявне паллӑ турӑр. Сирӗн кулленхи тӑрӑшулӑх — кашни ачан сӑн-сӑпачӗ йӗркеленме тытӑнакан никӗс.
Сире пурне те чунтан тӑрӑшса ӗҫленӗшӗн, профессионализмшӑн тата суйласа илнӗ ӗҫе парӑннӑшӑн питӗ пысӑк тав! Сире ҫирӗп сывлӑх, иксӗлми оптимизм, ҫемье ырлӑхӗ тата профессире ҫӗнӗ ҫӗнтерӳсем сунатӑп. Вӗренекенсем сире яланах хӑйсен ҫитӗнӗвӗсемпе савӑнтарччӑр!

Сăнÿкерчĕкĕсем: Пишпӳлек район администрацин социаллă сетьри страницинчен.
https://vk.ru/officialbiz