Пушкăрт аграрийĕсем 2 млн тонна тырă вырса илме планлаççĕ

Пушкӑртстанра тӗштырӑ лаптӑкӗсен калӑпӑшӗн 91 процентне пухса кĕртнĕ.

Пушкӑртстанра тырӑ вырас вӑхӑт вӗҫленсе пырать. Ялхуçалăх министерствин кӑтартӑвӗсем тӑрӑх, 1,36 млн га ҫулнӑ, 1,35 млн га çинчи тырпула пухса кĕртнĕ. Паянхи кунччен тухăç 1,83 млн тонна тырă, ҫуртри культурӑсем — 1,28 млн тонна тата кӗрхи 550 пин тонна тырӑ пухнӑ. Тухӑҫлӑхӗпе Кармаскалă районӗ (регионти чи пулăхлă тăпраллă район) малта пырать — вӑтамран гектар пуçне 24,9 ц.

Вырма кампанин пӗтӗмлетӗвӗсем тӑрӑх 2 млн тонна ытла тырӑ пухма палӑртнă (2020-мӗш ҫулта 4 млн тонна рекордлӑ калӑпӑш пухнӑ).

Çу культурисене пухса кĕртес ĕç хӗрсе пырать. Рапспа, горчицӑпа, сояпа, хӗвелҫаврӑнӑш тата ытти культурӑпа уй-хире 39 районта пуҫтараҫҫӗ. 40,2 пин га — пӗтӗм калӑпӑшӗн 11 проценчӗ пухса кĕртнĕ. Шел пулин те, хальлӗхе тухӑҫлӑх начар — вӑтамран 8,5 ц/га.

 «Башинформ» информацийĕпе.

Сăнÿкерчĕкĕ: архивран.