Пушкӑртстанра кӗрхи культурăсен тухӑҫлӑхӗ гектартан 35 центнерпа танлашать

Пушкӑртстанра кӗрхи тырӑ культурисене пухса кӗртеççĕ. Вӗсен тухӑҫлӑхӗ гектартан 35 центнер таран çитет, ку вара юлашки виҫӗ ҫулхипе танлаштарсан,  пысӑкрах, пӗлтерет регион Правительствин пресс-служби.

Благовар районӗнчи "Уй кунӗ" семинар пынӑ чухне республикăри ялхуçалăх министрĕ Ильшат Фазрахманов пӗлтернӗ тӑрӑх, республикӑра минераллӑ удобренисемпе ытларах та ытларах усӑ кураҫҫӗ.

— 2020 ҫулта вӗсене (минераллӑ удобренисем – ред.) пушкӑрт аграрийӗсем 163 пин тонна, 2021 çулта – 185 пин тонна, 2022 ҫулта — 205 пин тонна туяннă. Минераллӑ удобренисемпе усӑ курни — пысӑк тухӑҫсен никӗсӗ пулнине наукӑпа тата пурнăçпа тахҫанах çирĕплетсе панӑ, -— терӗ министр.

Аса илтеретпӗр, регион аграрисене удобренисем туянма тӑкаксенчен 70 процент чухлӗ субсиди уйӑрать. Ильшат Фазрахманов часах кӗрхи тырӑсем акма пуҫлассине палӑртрӗ.  

«МГ» информацийĕпе.

Сăнÿкерчĕкĕ: архивран.