Республикăра вăтам тухăç гектар пуçне 30 центнер ытла тухать

Пушкӑртстан хирӗсенче, регионта тырӑ вырас вӑхӑт тин пуҫланать пулин те, ҫур миллион ытла тонна тырӑ пухнӑ.

Тырпул пысӑк, йывӑр, ҫавӑнпа техникӑна та, паллах, ҫӗр ӗҫлекенсене те ҫӑмӑлах мар, — палӑртрӗ  ПР ял хуҫалӑх министрĕ, ПР Правительствин Премьер-министрӗн ҫумӗ Ильшат Фазрахманов республикӑн Янаул районӗнче. Кунта "Юлдаш" ял хуҫалӑх предприятийӗнче 2022 ҫулта вĕçлекен зона семинарĕ —"Уй кунӗ" канашлу пырать.

 Кӗрхи тата ҫурхи культурӑсене пухса кĕртнĕ площадьсене пӑхсан, тухăç лайӑх — республикӑра вӑтамран  гектар пуçне 30 центнер ытла, — терӗ Ильшат Фазрахманов. — Ҫапах та чылай уй гектар пуçне 70 ц тата ытла параҫҫӗ. Халӗ пирĕн ҫитӗнтернӗ пуянлӑха ҫухатусӑр пухса кӗртмелле. Пӳлмене пуҫтарса хумалла, туяну хакӗсем ҫӗклениччен. Ку пулатех, мӗншӗн тесен тӗнчере апат-ҫимӗҫ ҫитмест, тӗнче хакӗсем те ӳссех пыраҫҫӗ.

Тырпул пур ҫӗрте те, ҫав шутра Пушкӑртстанӑн ҫурҫӗр енчи вӑрман зонинче те, уйрӑммӑн илсен, мероприяти иртекен Янаул районӗнче те, савӑнтарнине палӑртрӗ вӑл. Ҫавӑнпа регионта тырӑ тухӑҫлӑхĕн прогнозӗсем оптимистла.

https://apkrb.info/press-service/news/ilshat-fazrahma..