Пушкӑртстанра пӗрремӗш "Пыл фестивалӗ" иртӗ

Масштаблă мероприяти ирттересси ҫинчен пуҫарăва вице-премьер ПР ял хуҫалӑх министрӗ Ильшат Фазрахманов тата Пушкӑртстан Пуҫлӑхӗ Радий Хабиров, кулленхи оперативлӑ канашлура, ырланă.

2024 ҫулхи ҫулла Шуратӑл хӗрринче Уфара "Пушкӑрт пылӗ" бренда куҫма пулăшакан пӗрремӗш "Пыл фестивалӗ" пулать.

Радий Хабиров "Пыл фестивалӗ" хула ҫыннисемшӗн питӗ лайӑх ярмăркка пулса тӑрассине тата пыл хурчӗсем ӗрчетес ыйтусене сӳтсе явма май парассине палӑртнă. Ильшат Фазрахманов Пушкӑртстан Раҫҫейре тавар пылӗ туса кӑларас ӗҫре малти позицисем йышӑнса тӑнине, пыл хурчӗсен шучӗ тата производство калӑпӑшӗ ӳссех пынине палӑртнӑ. Пӗлтӗр республика тӗнчери çичĕ ҫӗршыва экспорта 111 тонна ытла пыл янӑ.

Радий Хабиров Уфара январӗн 18-мӗшӗнчен пуҫласа 20-мӗшӗччен Пӗтӗм Тӗнчери промышленноç пыл хурчӗсен съезчӗ, ҫавӑн пекех зона конференцийӗсен шайӗнче Краснокамск, Кугарчă тата Иглин районсенче пыл хурчӗ ӗрчетес енӗпе ӗҫлекен форум йĕркелеме сӗнӳ панӑ.

Пушкӑртстан Пуҫлӑхӗ палӑртнӑ тӑрӑх, регион колодăпа-борт пыл хурчӗсене аталантарас енӗпе тӗллевлӗ кӑтартусем палӑртнӑ тата ҫак тӗллевпе 2024 ҫулта 10 миллион тенкӗ уйӑрнӑ. Ҫавӑн пекех вӑл ҫак укҫапа пыл хурчӗ ĕрчетекенсем тухӑҫлӑ усӑ курасса шанать.

https://mgazeta.com/news/novosti/2024-01-15/v-bashkirii-proydet-pervyy-medovyy-festival-3603797