Радий Хабиров Пушкӑртстанра ака кампанийӗ пуҫланнине пӗлтернӗ

Пушкӑртстан Пуҫлӑхӗ Радий Хабиров соцсетьсенче ака кампанийӗ пуҫланнине пӗлтернӗ: ӗҫсем 16 районта пуҫланнӑ ӗнтӗ. Мияки районӗнче уй-хире тулӑ, сӗлӗ тата хӗвелҫаврӑнӑш, Куюргазӑ районӗнче сӗлӗ тата урпа акаҫҫӗ. Туймазă, Чишма тата Уфа районĕсенче тулӑпа сӗлӗ акаҫҫӗ.

Регион ертӳҫи каланӑ тӑрӑх, кӑҫал ҫуркунне 2 млн гектар ытла, тепӗр 300 пин гектара яхӑн кӗрхи тырӑ акма палӑртнӑ. Малашне ҫу культурисен лаптӑкӗ ӳсӗ.

"Вӑрлӑхпа пирӗн хуҫалӑхсене тивӗҫтернӗ. Кун пек чухне тыр-пул тата хӗвелҫаврӑнӑш вӑррисен 80% ытла - хамӑр ҫӗршывăн пулни пӗлтерӗшлӗ. Ку эпир малалла та малалла тӑсакан шухӑшлӑ система ӗҫӗн кӑтартӑвӗ", – ҫырнӑ Радий Хабиров.

Ҫак акана республикипе 12 пин тракторпа 5 пин ял хуҫалӑх машинине хутшӑнĕ.

Регион Пуҫлӑхӗ аграрисене пуян тухӑҫ сунать, ӗҫшӗн тав тăвать, вӗсен ӗҫӗнче пулӑшу пама шантарать.

Сӑн ӳкерчӗк: Радий Хабировӑн соцсечӗсем.

https://mgazeta.com/news/vazhno/2026-04-21/radiy-habirov-anonsiroval-start-posevnoy-kampanii-v-bashkirii-4660386