Тутлӑ та тутӑ

Ҫанталӑк юнтармӑшӗсене пӑхмасӑр, районти пур хуҫалӑхра та вырма ӗҫӗсем хӗрӳ пыраҫҫӗ. Ҫак яваплӑ тапхӑрта организма лайӑх ӗҫлеттерме тулли апатлану пулӑшать. Александр Милютинăн хресчен (фермер) хуҫалӑхӗн кухня хатӗрӗсемпе тата апат-ҫимӗҫпе лайӑх хатӗрленӗ столовӑйӗнче Людмила Дмитриевапа Лира Прохорова поварсем вӗри апат хатӗрлеҫҫӗ. Эпир килнӗ чухне вӗсем ӗне какайӗн тÿшкине полиэтилен михӗсене касса тултаратчĕç.
— Эпир кашни кун 25 ҫынна — вырма ӗҫӗсенче тата выльӑх апачӗ хатӗрлес ӗҫре тӑрӑшакан КФХ ӗҫченӗсене — тӑрантаратпӑр, — тет аслӑ повар Людмила Аркадьевна. — Кӑнтӑрлахи апата эпир пӗрремӗш тата иккӗмӗш блюдăсем, ҫавӑн пекех пылак чей е компот хатӗрлетпӗр, помидорпа хӑяр салачӗ тӑватпӑр. Каҫхи апата иккӗмӗшне тӗрлӗ ӗҫме-ҫимепе хатӗрлетпĕр. Апат-ҫимӗҫе, ҫурмафабрикатсене вырӑнти суту-илӳ вырӑнӗсенче туянатпӑр, аш-какая хуҫалӑхӑн МТФ-ран илсе килеҫҫӗ. Ешӗл ҫимӗҫе килтен илсе килетпӗр. Эпир хатӗрленӗ апат пурне те килӗшет, нумайӑшӗ тепĕр чашăкярса пама ыйтать. Вырма ӗҫӗсем нумай вӑй-хал ыйтнине ӑнланатпӑр эпир, ҫавӑнпа тутлӑ та тутӑ апатпа ҫак яваплӑ самантра хуҫалӑха пулӑшма тӑрӑшатпӑр.
Владимир СМОЛОВ.
Сӑнӳкерчӗкӗ: Владимир Смолов.