Пушкӑртстанра "Сӗт кухни" валли пысӑк завод туса лартаҫҫӗ

Уфара уҫӑлнӑ Агропромышленноҫ форумӗнче Пушкӑртстанӑн 70 ытла производителĕ хутшӑнакан продукт фермер ярмăркки ĕçлет, пӗлтерет республика пуҫлӑхӗн пресс-служби.

Курава тата уҫӑлнӑ ярмăрккӑна пӑхса тухнӑ май Радий Хабиров Раҫҫей ял хуҫалӑх министрӗн ҫумне Андрей Разина сӗт кухнине ӗҫе кӗртес енӗпе республика опычӗ ҫинчен каласа панă.

— Юлашки виҫӗ ҫул хушшинче эпир нультен сӗт кухнин системине туса хутӑмӑр. Ҫак ҫула тухсан, сӗт кухни Уфара ҫеҫ пулнӑ, виҫӗ пин ҫынна тивĕçтернӗ, — тенӗ вӑл. — Паян вырӑнти производствӑн пахалӑхлӑ продукчӗсем нумай ачаллӑ тата сахал тупашлă ҫемьесенче, опекӑра пурӑнакан ачасем илеҫҫӗ. Ҫакӑн пек ҫӑмӑллӑх категорийӗсен шутне пурӗ 26 пин ҫын кӗрет. Эпир пӗр инфратытӑм туса хутӑмӑр: пирӗн унччен ача-пăча «молочкине» кăларакан пӗр сӗт завочӗ кӑна пулнӑ пулсан, халӗ Пушкӑртстанра çакнашкал сакӑр производство цехӗ. Плансенче — пысăк сӗт завочӗ тӑвасси. Сӗт кухнин продукцине шкул апатланӑвӗн рационне кӗртни питӗ кирлӗ.

https://resbash.ru/news/ekonomika