Радий Хабиров: Пушкăрт патшалăх медуниверситетран вӗренсе тухакансем пурте медицинӑна пырсан регионта врачсем çитетчĕç

Гайдар форумӗнче Мускавра Пушкӑртстан Пуҫлӑхӗ Радий Хабиров медицинӑри кадр ыйтӑвӗсем пирки каланӑ.

Пушкӑртстан Пуҫлӑхӗн шухӑшӗпе чи малтан поликлиникӑпа ФАПсене пуҫламӑш медицина сыпăкне тĕреклетмелле, пулăшмалла.

– Республикӑра ӗҫлеме тата ун тăрăх ҫӳреме тытӑнсан мӗн кӑна курман. Фельдшерпа акушер пункчӗсем нимӗҫсен тыткӑнри ҫыннисем валли тунă баракра, 1890 ҫулхи ҫуртра ҫурт-йӗрте вырнаçни те пурччĕ. Ҫав хушӑрах пирӗн ял халӑхӗ 1,7 млн, ФАПсем — 1960. Федерацин пӗрремӗш медицина сыпăкне комплекслӑ ҫӗнетмелли программи питӗ пулӑшать, унпа республика 18 миллиард тенкӗ те 2025 ҫулччен илет.

Кадрсем ҫителӗксӗрри ҫинчен каланӑ май Радий Хабиров 2021 ҫулхи Пушкăрт патшалăх медуниверситетран вӗренсе тухакансем пурте медицинӑна пырсан регионта врачсем ҫитменни пулмĕччĕ тесе палӑртнă.

Ҫавӑн пекех Пушкӑртстан Пуҫлӑхӗ ҫӗнӗ технологисене ӗҫе кӗртес ыйту ҫинче чарӑнса тӑнӑ. Радий Хабиров каланӑ тӑрӑх, Пушкӑртстанри 1960 ФАПӗнчен 1800-шӗнче интернет-ҫыхӑну пур ӗнтӗ. Ҫавна пула фельдшер, сӑмахран, пациент кардиограммине республика кардиоцентрне яма тата специалист консультацийӗ илме пултарать.

– Е тепӗр йывӑрлӑх — этеме тухтӑр патне больница лисчĕ уҫма каяс мар тесен унпа ҫыхӑнма кӑна пулать. Пӗтӗмӗшле илсен, телемедицинăра пуласлăх, — палӑртнă республика ертӳҫи.  

«МГ» информацийĕпе.

Сăнÿкерчĕкĕ: архивран.